Bratasena teh putra Pandu Dewanata nu kadua ti Dewi Kunti Nalibrata.
Biasa sok disebat Bima,Werkudara,Sena atanapi Bilawa.
Waktos dibabarkeun masih keneh dibungkus ku lamad,numawi sok disebat Jaka Bungkus.
Soehna eta bungkus di amuk ku Gajah Sena.Nya ti harita Jaka Bungkus disebat Sena.
Dedegan Sena jangkung ageung,simbar dada,bosongot bade amprotan garempal bade udagan.
Godeg,janggot,sareng kumisna rambosbos bewos,rambutna gimbal,sareng pakulitanana koneng umyang.
Sipatna sacangreut pageuh sagolek pangkek,gurat batu,jujur,tara linyong tara bohong.
Anjeunna tara nyebatkeun kawon atanapi sieun dina mayunan sagala rupi perkawis.
Upami sieun hartosna ajal.Jalaran kitu anjeunna didambel bebenteng Amarta,anu kalintang ageung tanggel-walerna ka nagara sareng ka kulawargina.
Nalika aya di leuweung kakirangan tuangeun,anjeunna narohkeun nyawa.
Anjeunna sanggem nilasan buta Kalabaka anu sok nuangan jalmi,asal dipasihan tuangeun ku sang Resi anu bade dimangsa ku eta buta.
Ku kasaktian Kuku Pancanakana,Kalabaka kawon sareng terus palastra.
Dina carios Bale Sigala-gala,Bratasena amuk asor kangge nyalametkeun ibuna sareng para wargina.
Nya kitu deui dina carios Sumur Sijala Tunda.Dina caros Babad Alas Amer,Bima bajoang tohtohan.
Anjeunna kantos nguwak-ngawik para Siluman anu nagageugeuh di eta alas;
ahirna Alas Amer ngawujud nagara Amarta.
Manggul Pawenang dirajaan ku buta anu wastana Kala Pradapa anu mikapalay ka Dewi Badraini(garwa Basudewa) sareng Dewi Kunti nalibrata (ibuna).
Kala Pradapa di kawonkeun ku Bima.Rajana katut rahayatna serah bongkokan,saterasna nagara Manggul Pawenang dirajaan ku Bima.Dupi puseur dayeuh Manggul Pawenang di Jodipati anu bisa diangge bumen-bumen sareng kulawargina.
Bratasena kagungan garwa tilu.Nu kahiji jenengannana Dewi Badawangwati puputra jakatawang;nu kadua Dewi Naga Gini putraan Raden Antareja;sareng anu pamungkas Dewi Arimbi kagungan putra Gatotgaca.
Dina carios Dewi Ruci,Bima ditipu ku sang guru,nyaeta Pandita Dorna.Anjeunna dipiwarang milari tirta Amerta (cai kahirupan).Ti batan palastra mah kalah kagungan kasampurnaan hirup ti Dewa Ruci.
Dina carios perang Brata,seueur pisan Korawa nu ajal ku Bima.
Di antawisna Sangkuni dibebekkeun bahamna.Dursasana ditugel janggana sareng getihna diangge kuramas ku Dewi Drupadi,kangge ngalaksanakeun sumpahna.Ari Dursasana kantos ngawiwirang Drupadi dugi ka udar sanggulna.Ti harita Dewi Drupadi teu kersa di sanggul deui sateuacan diangir ku getihna Dursasana.
Burisrawa ajal ku bima.Nya kitu deui raja Suyudana anu hawek sareng sarakah,ditelasan ku Aria Bratasena.
Cindekna Bima teh salah sawios pahlawan Pandawa anu leres-leres picontoeun.
Katerangan
lamad = jange t= kulumut = kulit anu ipis
sacangreud pageuh sagolek pangkek = kiat pamadegannana
linyok = bohong
bebenteng = tameng dada
amuk asor = ngamuk ancur-ancuran;ngamuk nguwak-ngawik
bumen-bumen = bebetah = bubuara
puputra = kagungan putra
kasampurnaan hirup = elmu pangweruh dina salebeting hirup di dunya
bahamna = sungutna
ditunggel jangga = diteukteuk beuheung = dipeuncit
kuramas = diangir
serah bongkokan = serah sumerah sadayana pada harita.
Postingan
