Kangge Dewi Kunti Nalibrata mah anjeunna the putra anu
bungsu.
Anjeunna salah
sawios satria anu smpulur.
Pamulu nurut di ibu,wanda ngarah ka rama.Rarayna bodas
ngadaun sureuh,damis gula sapasi,
Soca sipit,angkeut endog sapotong.
Sipatna ampuh lungguh ,lantip sareng tartib,amis budi,sae
basa hade tata,hormat tilawat ka sepuh
Sujud ka guru,takwa ka Nu Maha Kawasa.
Arjuna satria anu gagah sakti mandra guna.
Kenging di sebutkeun
lalagi langit lalanang jagat.
Margi anjeunna mah gentur tapakur ti kapungkur,tamat
tatapana,mati geni ti aalit,biasa tapa brata ti bubudak;Arjuna jadi
kakasihnadewa.
Watekna dipiasih ku istri,dipinyaah ku somah.
Numawi moal mantak hemeng upami janten panonobanpara
mojang,rebutan para kania,dipisono para wadon,kawuwuh ahli kabudayaan sareng
kaseniann.
Dina carios babad
Alas Amer,Anjeunna ngawonkeun Prabu Janaka raja siluman.
Ti wangkid harita anjeunna disebat Raden janaka.
Nalika
lalampahan Mintaraga,anjeunna kiat ku panggoda para widadari waktos
tatapa,sareng gogoda rancana sanesna.
Hasilna Arjuna kenging Pasupati,pangleler Batara Guru anu
didugikeun ku Batara Indra.
Eta Pasupati the kangge ngayonan Prabu Niwatakawaca ti
nagara Imantaka anu ngamuk di Sawarga;anu palayeun ka Dewi Supraba.Sabda
Niwatakawaca palastra,Arjuna kenging hormatan tiasa linggih ti Sawarga salami
40 dinten 40 wengi.
Waktos Barata
Yuda,seueur pisan para Korawa anu palastra di palangan juang Kuru Setra ku
Arjuna.
Di antawisna,Jayadreta,sareng Adipati Karna,sareng
seueur-seueur deui.
Arjuna
kagungan istrina seueur pisan,nanging anu saleresna mah mung Dewi Subadra putra
Prabu Basudewa ti Mandura;sareng Dewi Srikandi putra Prabu Drupada ti nagara
Cempala Dirja.
Putra ti Dewi Subadra nyaeta Raden Abimanyu.
Arjuna
nyepeng kalungguhan minangka Adipati di Madukara.
Saparantos Barata Yuda anjeunna ngiring ngalih ka Astina
sareng para saderkna.
Kitu deui anjeunna oge angkat ka puncak Himalaya,palay
moksa.
KATERANGAN
Pamulu=sipat,pasemoan
Wanda=dedegan badan
Ngadaun seureuh=sapertos daun seureuh
Damis=pipi,gula sapasi=pasian gula=gula anu dipasi
Endog sapotong=lonyod
Hormat-tilawat=sumujud
Mandra-guna=sakti taya tandingna
Lalaki langit,lalanang jagat=pangsaktina di sakolong langit
Gentur=asak,tamat,kiat
Mati geni=paeh sajeroning hirup
Tapa brata=tatapa;somah=menak
Wadon=istri,wanita
Kawuwuh=katurug-turug,dibarengan
Nalika=waktu;wangkid=danget=waktu
Pangleler=pamasihan=pamere
Palang juang=medan juang=medan jurit=medan perang.
Postingan
